Joomla TemplatesBest Web HostingBest Joomla Hosting

Home ዜና የቅርብ ዜናዎች ድርጅቱ በ82 ሚሊዮን ብር ከ205 ሺህ በላይ ተፈናቃዮች ድጋፍ እንዲያገኙ ማድረጉን አስታወቀ

ድርጅቱ 82 ሚሊዮን ብር 205 ሺህ በላይ ተፈናቃዮች ድጋፍ እንዲያገኙ ማድረጉን አስታወቀ

    more than 205000 internally displaced people IDPs  1

አመልድ ኢትዮጵያ ከሲአርኤስ ጋር በመተባበር 82 ሚሊዮን ብር የሚልቅ የሰብዓዊ ምግብ እርዳታ ድጋፍ እያደረገ እንደሚገኝ አስታወቀ፡፡

ድርጅቱ ድጋፍ ያደረገው ከሰሜን ወሎ፣ ዋግኸምራ፣ ደቡብ ወሎ፣ ኦሮሞ ብሄረሰብ አስተዳደር፣ ከፊል ሰሜን ሸዋ ዞን እና ከአጎራባች አፋር ክልል ሸሽተው በደብረ ብርሃን ከተማና ሰሜን ሸዋ ዞን ወረዳዎች በጊዜያዊ መጠለያ ለሚገኙ 205 ሺህ 26 ተፈናቃይ ወገኖች ነው፡፡

የድርጅቱ ዋና ዳይሬክተር / ዓለማየሁ ዋሴ እርዳታውን አስመልክቶ በችግር ጊዜ ያልተቆጠበ ድጋፍ ለሚያደርጉ ለጋሾች በተረጅ ወገኖችና በአመልድ ኢትዮጵያ ስም ምስጋና አቅርበው በቀጣይ ድርጅቱ የወደሙ ተቋማትን መልሶ በማቋቋምና ማኅበራዊ የስነ-ልቦና ስብራት የደረሰባቸውን ዜጎች ለማጠናከር በምንሰራቸው ስራዎች ተቋማትም ሆኑ ግለሰቦች የድርሻቸውን እንዲወጡ መልዕክት አስተላልፈዋል።

     more than 205000 internally displaced people IDPs  3

የድርጅቱ የምግብ እህል አስተዳደርና አስቸኳይ የምግብ እርዳታ ፕሮግራም ዳይሬክተሩ አቶ መሃመድ ኡስማን እንደገለጹት እስከ ታህሳስ 3/ 2014 . ድረስ በደብረብሃን መጠለያ ለሚገኙ ተፈናቃዮች ብቻ 82 ሚሊዮን ብር በላይ ወጭ የተደረገበት የስንዴ፣ አተር ክክ እና የምግብ ዘይት በድምሩ 34 ሺህ 752 ኩንታል እርዳታ መደረጉን ተናግረዋል፡፡

የሰሜን ሸዋ ዞን የምግብ ዋስትናና አደጋ መከላከል ዝግጁነት ኃላፊ አቶ አበባው መለሰ በበኩላቸው እንደተናገሩት አመልድ በዞኑ ውስጥ ተፈናቅለው የሚገኙ ወገኖችን በመደገፍ ያደረገው አስተዋጽ ጉልህ መሆኑን አውስተው ድርጅቱ በክልሉ የሚሰራቸው የልማት አሻራዎችም ምሳሌ ናቸው ብለዋል፡፡

     more than 205000 internally displaced people IDPs  2

/ እማዋይ አሰፋ በደቡብ ወሎ ዞን የተሁለደሬ ወረዳ ነዋሪ ናቸው፡፡ በጦርነቱ ምክንያት 3 ልጆቻቸውን ይዘው ወደ ደብረ ብርሃን ከተሰደዱ 1 ወር 3 ሳምንት እንዳለፋቸው ይናገራሉ፡፡ በዚህ ጊዜ ታዲያ አመልድ ቀድሞ የደረሰ ለወገን ተቆርቋሪ መሆኑን ተመልክቻለሁ ብለዋል፡፡

/ እማዋይ ጨምረው እንደገለጹት የድርጅቱ ኃላፊዎችና ሰራተኞችም ከስራ ሰዓት ውጭ በተቆርቋሪነት ሲያስተናግዱ መክረማቸውን አስታውሰው ምስጋናቸውን አቅርበዋል፡፡

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today28
Week350
All86771

Currently are 18 guests online


ምርጫ
ስለ ድረ-ገፅ ያለዎት አስተያየት ?