Joomla TemplatesBest Web HostingBest Joomla Hosting

Home ዜና የቅርብ ዜናዎች አመልድ ኢትዮጵያ በጋሸና፣ ላሊበላ፣ መቄት እና ኮን ከ10 ሺህ ኩንታል በላይ አስቸኳይ የምግብ እርዳታ ድጋፍ ለማድረግ ማጓጓዙን አስታወቀ

አመልድ ኢትዮጵያ በጋሸና፣ ላሊበላ፣ መቄት እና ኮን 10 ሺህ ኩንታል በላይ አስቸኳይ የምግብ እርዳታ ድጋፍ ለማድረግ ማጓጓዙን አስታወቀ

    over 10 thousand quintals of emergency food aid 3

በጦርነቱ ምክንያት በርካታ ወገኖች ቀያቸውን ለቀው ለስደት፣ ከፊሎቹ ደግሞ በሚኖሩበት አካባቢ ለረሃብና እንግልት ተዳርገዋል፡፡ የድርጅቱ ከፍተኛ አመራር ከለጋሾች ጋር በመወያየት ለረሃብ የተጋለጡ ወገኖችን በመደገፍ የህይወት አድን ስራ እየሰራ ይገኛል፡፡

በክልሉ የደረሰውን ከፍተኛ ሰብዓዊና ቁሳዊ ውድመት በመረዳት ነጻ በወጡ አካባቢዎች የአስቸኳይ እርዳታ ድጋፍ ማድረስ መጀመሩን የድርጅቱ ምክትል ዋና ዳይሬክተር አቶ እሸቴ ገላው አስታውቀዋል፡፡

ምክትል ዋና ዳይሬክተሩ እንደገለጹት አመልድ ከሲአርኤስ ጋር በመተባበር በዚህ ፈታኝ ወቅት 10 ሺህ 155 ኩንታል ስንዴ፣ የአተር ክክ እና የምግብ ዘይት አስቸኳይ እርዳታ ለሚያስፈልጋቸው የጋሸና፣ ላሊበላ፣ ገረገራ፣ ፍላቂት እና ኮን ነዋሪዎች ድጋፍ በማድረግ የህዝብ አጋርነቱን በተግባር አረጋግጧል ብለዋል፡፡

     over 10 thousand quintals of emergency food aid 1

በመቄት ወረዳ ገረገራ ከተማ የእህል ማደያ ጣቢያ ተገኝተው እርዳታውን ካገኙት መካከል ባለትዳርና 3 ሴት ልጆች አባት የሆኑት አበበ ማሩ አንዱ ናቸው፡፡ አርሶ አደሩ በአነስተኛ ማሳቸው የዘሩትን ሰብል በጦርነቱ ምክንያት መንከባከብ ባለመቻላቸውና ምርት ባለማግኘታቸው በቤታቸው የሚቀመስ እህል እንጠፋ ያወሳሉ፡፡ ሆኖም በዚህ ፈታኝ ወቅት አመልድ ኢትዮጵያ ከሲአርኤስ ጋር ያገኙት የስንዴ፣የምግብ ዘይትና የአተር ክክ የእርሳቸውንና የቤተሰባቸውን ህይወት የሚታደግ መሆኑን ገልጸዋል፡፡

    over 10 thousand quintals of emergency food aid 4

የአመልድ ማኔጅመንት አባላት በከፊል የምግብ እህል ማደያ ጣቢያዎችን የጎበኘ ሲሆን በማደያዎቹ ውስጥ የነበረው የምግብ እህል ሙሉ በሙሉ የተዘረፈና ቁሳቁሶችም (ሰነዶችን ጨምሮ) በከፊል የወደሙ መሆኑን በአካል ለመመልከት ተችሏል፡፡

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today29
Week351
All86772

Currently are 22 guests online


ምርጫ
ስለ ድረ-ገፅ ያለዎት አስተያየት ?