Joomla TemplatesBest Web HostingBest Joomla Hosting

Home ዜና የቅርብ ዜናዎች አረንጓዴ መንደሮች

                      አረንጓዴ መንደሮች

      Green Villages2

19ኛው /ዘመን መገባደጃ 30 በመቶው የኢትዮጵያ ገጸ-ምድር በደን የተሸፈነ በር፡፡ ነገር ግን ለእርሻ መሬት እና ለማገዶ እንጨት ፍለጋ የደን ጭፍጨፋ በሰፊው ቀጠለ፡፡ በዚህም በአሁኑ ሰዓት የአገሪቱ የደን ሽፋን ወደ 4 በመቶ አሽቆልቁሏል፡፡ በተለይም ሰሜናዊ የኢትዮጵያ ክፍል በደን መራቆት የተጠቃ ነው፡፡ ይህን አሳሳቢ የደን መራቆት እና የአካባቢ ብክነት ችግር ለመቅረፍ በአመልድ ኢትዮጵያ የተጎዱ የደን መሬቶችን መመለስ እና ማልማት ፕሮጀክት ከኖሮዌ የደን ልማት ማህበር ባገኘው $2.255 ሚሊዮን የገንዘብ ድጋፍ በአማራ ክልል 4 ወረዳዎች (እብናት፣ ሊቦከምከም፣ ፋርጣ እና ቋሪት ወረዳዎች) .. ከሚያዚያ 2018- ታህሳስ 2021 20 ሺህ ነዋሪዎችን ተጠቃሚ ያደረገ ፕሮጀክት ሲተገብር ቆይቷል፡፡

ፕሮጀክቱ ከመሰረታቸው ዘጠኝ አረንጓዴ መንደሮች መካከል በሊቦከምከም ወረዳ ጣራ ገዳም ቀበሌ የምትገኘው ቋላ ዮሐንስ አረንጓዴ መንደር አንዷ ነች፡፡ ከአረንጓዴ መንደሯ ተጠቃሚዎች መካከል ወጣት አርሶ አደር ወርቁ ጀምበር አንዱ ነው፡፡ በፕሮጀክቱ አማካኝነት ስልጠና እና የቁሳቁስ ድጋፍ ካገኘ በኋላ በአረንጓዴ ቤት ቴክኖሎጂ ቲማቲም እና ሐቫቭ አልምቷል፡፡ 2013 . በጋ ወቅት 126 . አረንጓዴ ቤት ሐቫቭ በማልማት ለገበያ አቅርቦ 6ሺህ ብር ገቢ አግኝቷል፡፡ 2 ዙር 2013 ክረምት ቲማቲም እያለማ ለኪሎ 25 ብር ለገበያ እያቀረበ ነው፡፡ ወጣት ወርቁ ከሐቫቭ ሽያጭ ባገኘው 6ሺህ ብር በጎችን አድልቦ 12ሺህ ብር ሽጧል፡፡ በቀጣይም በአረንጓዴ ቤት ሐቫቭ ማልማት እና ጎን ለጎን ፍየል ለማድለብ እቅድ ይዟል፡፡

ፕሮጀክቱ የተጎዱና የተጋጋጡ የወል መሬቶችን/ ተፋሰሶችን ከእንስሳት ንክኪ ነፃ በማድረግ ችግኝ እንዲተከልባቸው ሰርቷል፡፡ ከእንስሳት ንክኪ ነፃ ሆነው ችግኝ ከተተከለባቸው ተፋሰሶች መካከል በሊቦከምከም ወረዳ ብሩክቲ ቀበሌ የሚገኘው ችዝሚ ተፋሰስ አንዱ ነው፡፡ ተፋሰሱ 130 / ሲሆን የተራቆተ፣ ለእንስሳት በቂ መኖ የማይታጨድበት፣ እፅዋት የሌሉበት ባዶ የግጦሽ መሬት ነበር፡፡ 2011 . ከእንስሳት ንክኪ ነፃ በማድረግ እንዲያገግም ሁኗል፡፡ በመቀጠልም የተለያዩ ችግኞች ማለትም አካሻ አጉሲስትማ፣ የመኖ ዛፍ፣ ግራቪሊያ እና ግራር በፕሮጀክቱ ተተክሏል፡፡ የተራቆተው መሬት በፀደይ ወር ሲታይ በአገር በቀል ዛፎ ወይራ፣ክትክታ፣ደደሆ፣አባሎ እና አደይ አበቦች አሸብርቋል፡፡ አርሶ አደሮችም የእንስሳት መኖ እያጨዱ እየተጠቀሙ ነው፡፡ በእንስሳት ግጦሽ ችፍርግ መስለው የነበሩ ወይራዎች ዛሬ ዛፍ ሁነዋል፡፡ ወጣት ምህረቱ ሰጥአርገው የተፋሰሱ ጥበቃ ሃይል ተቆጣጣሪ ነው፡፡ ሁሌም ተፋሰሱ ከእንስሳት ንክኪ ነፃ እንዲሆን እና ከጭፍጨፋ ለመጠበቅ በስሩ ያሉ 3 የጥበቃ አባላትን በማስተባበር የደኑን ደህንነት ይጠብቃል፡፡

       Green Villages1

ፕሮጀክቱ የአረንጓዴ መንደሮችን ለመፍጠር አርሶ አደሮች በማሳቸው ላይ የተለየያዩ ቋሚ አትክልቶች፣ አገር በቀል ዛፎች እና የእንስሳት መኖ ስርጥ ሳር እንዲያለሙ ሰርቷል፡፡ በሊቦከምከም ወረዳ ሼሆቹ ታሃራ ቀበሌ በታሃራ አረንጓዴ መንደር ተጠቃሚ ከሆኑ 25 ነዋሪዎች ውስጥ አቶ አለምነው መኮንን አንዱ ናቸው፡፡

አቶ አለምነው 0.75 ሄክታር መሬት ብቻ ነው ያላቸው፡፡ ተጨማሪ ማሳ ከአርሶ አደሮች እየተከራዩ የግብርና ስራቸውን መስራት ግድ ይላቸው ነበር፡፡ አሁን ግን በፕሮጀክቱ አማካኝነት የአረንጓዴ ቤት ቴክኖሎጂ በመጠቀማቸው በትንሽ ማሳ ላይ ከፍተኛ ምርት ማግኘት ችለዋል፡፡ ለአብነትም 2013 በጋ 126 . ቦታ ላይ ሐቫቭ አልምተው 2,700 ብር ሽጠዋል፡፡ በመቀጠልም 2013 ክረምት ቲማቲም እያለሙ ጥሩ አፍርቷል፡፡ በመጀመሪያ ዙር 50 . ቲማቲም ለቀምው1,050 ብር ሽጠዋል፡፡ እንዲሁም ፕሮጀክቱ አረንጓዴ መንደር ለመፍጠር በያዘው እቅድ መሰረት ከአርሶ አደሮች ባገኙት ስልጠና እና የልምድ ልውውጥ መሰረት የተለያዩ ችግኞች ማለትም 70 ግራቪሊያ፣ 36 ሙዝ፣40 ማንጎ፣ 67 ጌሾ፣ 10 ፓፓያ ችግኞች እና አገር በቀል ዛፎችን ማለትም 10 ግራር እና 16 የቀርከሃ ችግኝኞችን በማሳቸው ዳር ተክለዋል፡፡

      Green Villages

በአጠቃላይ ፕሮጀክቱ በአመልድ በኩል 4,856 ሄክታር የተጎዱ ተፋሰሶችን እና የተራቆቱ ቦታዎችን ከእንስሳት ንክኪ ነፃ በማድረግ የአገር በቀል እፅዋት በተፈጥሮ እንዲበቅሉ እና የደን ችግኝ እንዲለብስ አድርጓል፡፡ እንዲሁም ዘጠኝ አረንጓዴ መንደሮችን በመመስረት 31 የአረንጓዴ ቤት ቴክኖሎጅ በማቋቋም ቲማቲም፣ ጥቅል ጎምን እና ሃቫቭ አርሶ አደሮች እንዲያለሙ በማድረግ፣37,609 የፍራፍሬ ችግኞች በማቅረብ አርሶ አደሮች እንዲተክሉ በማድረግ፣ 745 በፀሐይ ሃይል የሚሰራ መብራት በድጋፍ በመስጠት፣ 6 ማገዶ ቆጣቢ ምድጃ አምራች ቡድኖች እንዲመሰርቱ አድርጎ 534 የማገዶ ቆጣቢ ምድጃ ለአርሶ አደሩ ተሰራጭቷል፡፡ በተጨማሪም 68 አርሶ አደሮች በንብ ማነብ እና 1,023 አርሶ አደሮች በእንስሳት መኖ ልማት እንዲሰማሩ በማድረግ ኑሯቸው እንዲሻሻል አበርክቶው የጎላ ነው፡፡

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today61
Week155
All83649

Currently are 133 guests online


ምርጫ
ስለ ድረ-ገፅ ያለዎት አስተያየት ?