Joomla TemplatesBest Web HostingBest Joomla Hosting

Home ዜና የቅርብ ዜናዎች በአማራ ክልል የመሬት ለሕይወት ፕሮጀክት የባለድርሻ አካላት አቢይ ፎረም ተመሰረተ

በአማራ ክልል የመሬት ለሕይወት ፕሮጀክት የባለድርሻ አካላት አቢይ ፎረም ተመሰረተ

      Amhara Regional MAP Core Group

በአማራ ክልል የመሬት ለሕይወት ፕሮጀክት የባለድርሻ አካላት አቢይ ፎረም ለመመስረት የተካሄደው አውደ-ጥናት በባሕር ዳር ከተማ ነሐሴ 13 ቀን 2013 . በስኬት ተጠናቀቀ፡፡

አመልድ ስትራቴጂካዊ አጋር በሆነው ቬልት ሁንገር ሂልፈ ትብብር እና በጂአይዜድ የገንዘብ ድጋፍ የሚተገበረው የመሬት ለህይወት አማራ ፕሮጀክት በአማራ ክልል ምስራቅና ምዕራብ ጎጃም ዞኖች በተመረጡ ሁለት ወረዳዎች (ደብረ ኤልያስ እና ወምበርማ) እየሰራ ይገኛል።

      Amhara Regional MAP Core Group1

መሬት ውድ እና የማይተካ ሃብት ነው፡፡ ከመሬት ጋር በተያያዘ ሴቶች፣ ህጻናት፣ አረጋዊያን፣ አካል ጉዳተኞችና ሌሎች አቅመ ደካሞች የሚደርስባቸውን ተፅዕኖ እንዲሁም ያልተገባ የመሬት አጠቃቀምና የእርሻ ኢንቨስትመንት፣

በአጠቃላይ በክልሉ ውስጥ በመሬት አስተዳደርና አጠቃቀም ዙሪያ የሚስተዋሉ ክፍተቶችን ለመሙላት የሚያግዙ አማራጭ የፖሊሲ ሃሳቦችን/ ምክረ ሃሳብ ለማቅረብና ለማማከር ፕሮጀክቱ እየሰራ ነው፡፡ ለክልሉ ብሎም በአገር-አቀፍ ደረጃ የመሬት-ነክ ችግሮችን ለመቅረፍ የሚያግዝ የአጋርነት ዓብይ ፎረም /የአማራ MAP Core Group/ በይፋ ተመስርቷል፡፡

የአመልድ ዋና ዳይሬክተር ዓለማየሁ ዋሴ (ፒኤችዲ) አውደ ጥናቱን ሲከፍቱ መሬት ከሰው ልጆችና ህይወት ካላቸው እንዲሁም ግዑዛን አካላት ጋር በእጅጉ የተቆራኘ ነው ብለዋል፡፡ አያይዘውም በገጠርና በከተማ ለሚኖረው ህዝብ የኑሮ ዘይቤና የማኅበራዊ መስተጋብር ቁልፍ ጉዳይ የሆነው መሬት የግጭትና መንስኤ ነው ብለዋል፡፡ በተለይ የተፈጥሮ ሀብት መመናመን፣ የከተማ መስፋፋት፣ የህዝብ ቁጥር መጨመር፣ ደካማ የመሬት አጠቃቀም ስርዓት ችግሩን እንዳባባሰው ጠቅሰዋል።

የመሬት እና የውሃ ሀብቶችን ያለአግባብ መጠቀም፣ የዕውቀት እና የቴክኒክ ክፍተት፣ አመርቂ የመሬት አጠቃቀም ዕቅዶችን ያለመንደፍ እና ተግባር ላይ አለማዋል ይስተዋላል ብለዋል።

ዋና ዳይሬክተሩ በክልሉ የሚስተዋለውን የመሬት-ነክ ችግሮች ለመቅረፍ የሚያግዝ የአጋርነት ዓብይ ፎረም መመስረቱ የገጠር የመሬት ይዞታ ሥርዓትንና ከመሬት ጋር የተያያዘውን ማኅበረ-ኢኮኖሚያዊ መዋቅር ለማሻሻልና የአርሶ አደሩን፣ የእርሻ ኢንቨስተሩን፣ ሴቶችን፣ አቅመ ደካሞች፣ ህጻናትንና ሌሎች ከመሬት ጋር የተያያዙ ክፍተቶችን ለመሙላት የድርሻቸውን እንዲወጡ ጠይቀዋል።

ረታ መንበሩ (/) እና ፍሬህይወት ይበልጣል በፕሮጀክቱ ዙሪያ ግንዛቤ የሚያስጨብጡ ነጥቦች ላይ ገለጻ አድርገዋል፡፡

በክልሉም ሆነ በአገሪቱ ላይ የሚስተዋሉ የመሬት እና መሬት ነክ ችግሮችን ለመፍታት የአጋር ዓብይ ፎረም አባላት ድርሻቸው የጎላ መሆኑንም ጠቁመዋል፡፡

      Amhara Regional MAP Core Group 2

የዓብይ ፎረም አባላት ከሚመለከታቸው የመንግስት ተቋማት፣ ከሲቪል ማህበረሰብ ድርጅቶች፣ ከማህበረሰብ ድርጅቶች፣ ከዩኒቨርሲቲ/ትምህርትና ምርምር ተቋማት ከግል ዘርፎች፣ ከኢንቨስተር ተወካዮች የተደራጁ ናቸው፡፡

ተቋማትን ወክለው የተገኙ ተሳታፊዎች የመሬት ችግሮችን ለመፍታት በሚደረገው ሙከራ የድርሻቸውን እንደሚያበረክቱ ተናግረዋል። .

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today59
Week153
All83647

Currently are 18 guests online


ምርጫ
ስለ ድረ-ገፅ ያለዎት አስተያየት ?