Joomla TemplatesBest Web HostingBest Joomla Hosting

Home ዜና የቅርብ ዜናዎች የመስኖ ልማት ፕሮጀክቶች ተጠናቀው ለማህበረሰቡ ርክክብ ተካሄደ

   የመስኖ ልማት ፕሮጀክቶች ተጠናቀው ለማህበረሰቡ ርክክብ ተካሄደ

     Irrigation projects  (2)

በአመልድ ኢትዮጵያ የተቀናጀ ማህበረሰብ ልማት ፕሮጀክት በመጠጥ ውሃ፣ መስኖ ልማት፣ የጓሮ አትክልት ልማት፣ የእንስሳት እርባታና ማድለብ ዙሪያ በደቡብ ጎንደር ዞን ሊቦከምከም ወረዳ የአርሶ አደሩን ህይዎት ለማሻሻል እየተተገበረ ይገኛል፡፡ ፕሮጀክቱ በወረዳው ደሪጣ ቀበሌ የሸኒ አነስተኛ መስኖ ግንባታ እና በአገላ ማንቶገራ ቀበሌ የድሬስላ አነስተኛ መስኖ ግንባታዎችን በማጠናቀቅ ለአገልግሎት ዝግጁ አድርጓል፡፡ የሽኒ መስኖ ልማት ፕሮጀክት 96 (ሴ፡12) አባውራዎች የሚጠቅም ሲሆን 60 ሄክታር ማልማት ያስችላል፡፡ እንዲሁም የድሬስላ መስኖ ልማት 39 ሄክታር በማልማት 88 (ሴ፡ 21) አባውራዎችን ተጠቃሚ ያደርጋል፡፡

      Irrigation projects  (1)

በመሆኑም የመስኖ ልማት ግንባታዎች በአግባቡ ጥቅም ላይ እንዲውሉ የወረዳው አስተዳዳሪን ጨምሮ ከፍተኛ አመራሮች እና ተጠቃሚው ማህበረሰብ ባሉበት ፕሮጀክቶች ለወረዳው ግብርና /ቤት ሐምሌ 13/ 2013 . በተጠቃሚዎች ማሳ ላይ የፍራፍሬ ችግኝ በመትከል ርክክብ ተደረጓል፡፡ በርክክቡ ወቅት የተቀናጀ ማህበረሰብ ልማት ፕሮግራም ፕሮጀክት ማናጀር አቶ አጥናፍ አምባቸው እንዳሉት ፕሮጀክቶቹ በቀጣይ በአግባቡ ከተያዙ አርሶ አደሩን በአመት ሁለት ጊዜ እንዲያመርትና በምግብ እራሱን እንዲችል ትልቅ ሚና ይጫወታሉ፡፡

ፕሮጀክቱ ከግሊመር ኦፍ ሆፕ ግብረ-ሰናይ ድርጅት በተገኘ 83 ሚሊዮን ብር ድጋፍ በሊቦከምከም ወረዳ 9 ቀበሌዎች .. 2018 ጀምሮ እየተተገበረ ነው፡፡ ፕሮጀክቱ በተመረጡ የእሴት ሰንሰለቶች ማለትም በበሬ እና በግ ማድለብ፣ በግ ፣ዶሮ እና ፍየል እርባታ እና ሽንኩርት ልማት 5 500 አርሶ አደሮች ኑሮ እንዲሻሻል እና የንፁህ መጠጥ ውሃ ተጠቃሚ እንዲሆኑ ይሰራል፡፡

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today62
Week156
All83650

Currently are 32 guests online


ምርጫ
ስለ ድረ-ገፅ ያለዎት አስተያየት ?