Joomla TemplatesBest Web HostingBest Joomla Hosting

Home ዜና የቅርብ ዜናዎች ሥራን በጾታ መከፋፈል ከእንግዲህ አይሰራም

           ሥራን በጾታ መከፋፈል ከእንግዲህ አይሰራም

        gender base work division

በማህበረተሰቡ ዉስጥ የተዛቡ የስርዓተ ፆታ አመለካከቶች እና ልማዳዊ ድርጊቶች ሴቶች በዝቅተኛ የኑሮ ደረጃ እንዲገኙ አድርጓል፡፡ ማህበራዊ እና ፖለቲካዊ ተሳትፏቸውን አቀጭጮታል፡፡ በተለይም በገጠር የሚኖሩ ወጣት ሴቶች የማህበራዊ እና ፖለቲካዊ ተሳትፏቸው ባላቸው ተፈጥሯዊ ክህሎት እና የትምህርት ደረጃ አይደለም፡፡ ወጣት ውቢት አገኝ አንዷ የችግሩ ተጋሪ ነበረች፡፡

ውቢት በምዕራብ በለሳ ወረዳ ዲቋና ቀበሌ አባ ውቤ መንደር ነዋሪ ስትሆን 20 ዓመት ወጣት ናት፡፡ እስከ 10 ክፍል መደበኛ ትምህርቷን ተከታትላለች፡፡ በወቅቱ የማለፊያ የማትሪክ ውጤት ባለማምጣቷ ወደ ኮሌጅ አልገባችም፡፡ አሁን በምትኖርበት ቀበሌ የወጣቶች ሊቀመንበር ናት፡፡ ብዙ የስርዓተ-ፆታ መድሎዎች ባሉበት የገጠር ቀበሌ ውስጥ የሴት ሊቀ-መንብር መሆን እንዴት ቻለች?

አመልድ ኢትዮጵያ ከሲቪል ሶሳይቲ ሳፖርት ፕሮግራም በተገኘ የገንዝብ ድጋፍ በማዕከላዊ ጎንደር ዞን ምዕራብ በለሳ ወረዳ በተመረጡ 10 ቀበሌዎች የሴቶችን ፖለቲካዊ ተሳትፎ በማብቃት የአመራር እና ዉሳኔ ሰጭነት አቅም ለማሻሻል ፕሮጀክት ሲተገበር ቆይቷል፡፡ ለአብነትም ፕሮጀክቱ ሲተገበርባቸው ከነበሩ 10 ቀበሌዎች አንዱ ወጣት ውቢት አገኝ የምትኖርብት የዲቋና ቀበሌ አንዱ ነው፡፡

ፕሮጀክቱ የሴቶችን ውሳኔ ሰጭነት እና ፖለቲካዊ ተሳትፎ ለማሳደግ የአቅም ግንባታ ስልጠና በሴቶች መብት ላይ ለሚሰሩ ተቋማት 55 ሰራተኞች (ሴ፡30) 39 ሐይማኖት አባቶች እና የሐገር ሽማግሌዎች፣ 110 (ሴ፡60) የማህበረሰብ አመቻቾች እና ለተፎካካሪ የፖለቲካ ፓርቲ አባላት ሰጥቷል፡፡ በዚህም የሰቶች ፖለቲካዊ ተሳትፎ እና አመራር ሰጭነት እንዲሻሻል እና የአስተሳሰብ ለውጥ እንዲመጣ ትልቅ ሚና ተጫውቷል፡፡

ወጣት ውቢት አገኝ ስለሴቶች ፖለቲካዊ እና ማህበራዊ ተሳትፎ ስትናገር ከዚህ በፊት የገጠር ሴቶች የአደባባይ ተሳትፎ የተገደበ ነበር፣ የሴት አመራር አልነበረም ትላለች፡፡ ታዲያ ለእርሷ ወደ አመራርነት መምጣት ምክንያቱ ይህ ፕሮጀክት ነበር፡፡ "የወጣቶች አመራር ሆኜ ስመረጥ ትንሽ ተቃውሞ አጋጥሞኝ ነበር፡፡ ጠብመንጃ መያዝ አትችልም ነበር የሚሉት፣ ነገር ግን ስራውን የምሰራው በወረቀት እና በመመሪያ ነው እንጅ በመሳሪያ አይደለም" ብላለች፡፡ ውቢት ፕሮጀክቱ የሴቶችን ማህበራዊ እና ፖለቲካዊ ተሳትፎ እና መብት ለማስጠበቅ በሰጠው የአሰልጣኞች ስልጠና ተካፍላለች፡፡ በዚህም በአመቻችነት ተመልምላ በመንደሯ ለሚገኙ ነዋሪዎች ወርሃዊ ስልጠና ትሰጣለች፡፡

"ፕሮጀክቱ ባሰለጠነን መሰረት የሴቶችን አቅም እና ተሳትፎ ለማሳደግ አወያያለሁ፡፡ ብዙ ባለትዳር ሴቶች በሃብታቸው እኩል ማዘዝ ጀምረዋል፤ባል እና ሚስት በስራ ይተጋገዛሉ፣ ስራን በፆታ መክፈል እየቀረ ነው" ብላለች፡፡

ፕሮጀክቱ በአካባቢው ለሴቶች ያለውን የተዛባ የአመለካከት ችግር እና የባህል ተፅዕኖ የቀነሰ ነው፡፡ የምዕ/በለሳ ወረዳ ሴቶች፣ህፃናት እና ወጣቶች ጉዳይ /ቤት በቀጣይ በፕሮጀክቱ የተገኘውን ውጤት ለማስፋት እንደሚሰራ ተገልጧል፡፡

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today48
Week203
All74901

Currently are 26 guests online


ምርጫ
ስለ ድረ-ገፅ ያለዎት አስተያየት ?