Joomla TemplatesBest Web HostingBest Joomla Hosting

Home ዜና የቅርብ ዜናዎች ንፁህ ውሃ ትራኮማን ለመከላከል

           ንፁህ ውሃ ትራኮማን ለመከላከል

      CBM German II

በማ/ጎንደር ዞን ምዕ/በለሳ ወረዳ የአባይታራ ቀበሌ ቆላማ አካባቢ በመሆኑ የንፁህ መጠጥ ውሃ ለማግኘት ፈታኝ ነው፡፡ የደብረ-ሲና መንደር በአባይታራ ቀበሌ የምትገኝ ሲሆን ነዋሪዎች በንጹህ መጠጥ ውሃ እጥረት ተጋላጭ ነበሩ፡፡ ነዋሪዎች ራቅ ካለው የለቃፊያ ወራጅ ወንዝ ይጠቀሙ ነበር፡፡ በዚህም ንጽህናቸውን በአግባቡ ባለመጠበቃቸው ለትራኮማ እና ውሃ ወለድ በሽታዎች ተጋላጭ ሆነው ቆይተዋል፡፡

24 ዓመቷ / ሙሉነሽ ገበየሁ በደብረ-ሲና ቀበሌ የአባይታራ መንደር ነዋሪ ናቸው፡፡ ባለትዳር የአንድ ሴት ልጅ እናት ሲሆኑ ልጃቸውን ሲወልዱ በነበረው የውሃ ችግር ምክንያት ንፅህናቸውን በአግባቡ እንዳይጠብቁ አድርጓቸዋል፡፡ ይባስ ብሎ ከወንዝ ውሃ ለመቅዳት አንድ ሰዓት ይፈጅባቸው ነበር፡፡

በአመልድ የሲቢኤም ጀርመን II ፕሮጀክት 3 ወረዳዎች ማለትም በእብናት፣ምዕራብ እና ምስራቅ በለሳ ወረዳዎች የትራኮማ በሽታን ለመከላከል እና የስነ-ንፅህና ችግሮችን ለመፍታት ሰፊ ስራዎችን እየሰራ ነው፡፡ ከጉሃላ ከተማ በምዕራብ አቅጣጫ በቅርብ እርቀት የምትገኘው የወ/ ሙሉነሽ መኖሪያ ደብረ-ሲና መንደር በፕሮጀክቱ የንፁህ ውሃ ግንባታ ተጠቃሚ ሁናለች፡፡ ከመንደራቸው አቅራቢያ የተገነባው የመለስተኛ ጥልቅ ጉድጓድ ውሃ የንፁህ መጠጥ ውሃ ችግራቸውን ቀርፎላቸዋል፡፡ሲቢኤም ፕሮጀክት የገነባልን የንፁህ መጠጥ ውሃ የእኛን የንፅህና ችግሮች ቀርፎልናል፡፡ ልጄ እና እኔ ዘወትር ጥዋት ፊታችንን በንፁህ ውሃ እንታጠባለን፡፡ ከዚህ በፊት ውሃ ለማግኘት ለአንድ ሰዓት ያህል በእግር እንጓዝ ነበር፡፡ አሁን በአምስት ደቂቃ ውስጥ ውሃ ቀድቼ ወደ ቤቴ እመለሳለሁ፡፡ በተለይ ጉልበታቸው የደከሙ በእድሜ የገፉ ሰዎችን ችግር የቀረፈ ነውብለዋል፡፡

         CBM German II 2

የመንደሯ ነዋሪዎች አሁን በአቅራቢያቸው ንፁህ የመጠጥ ውሃ በማግኘታቸው ደስታቸው ወደር የለውም፡፡ የተገነባውን ውሃ በአግባቡ እየተንከባከቡ ለመጠቀም ሁሉም ዝግጁ ናቸው፡፡

የሲቢኤም ጀርምን II ፕሮጀክት በሚተገበርባቸው 3 ወረዳዎች ማለትም ምዕ/በለሳ፣ ምስ/በለሳ እና እብናት ወረዳዎች 43 የንፁህ መጠጥ ውሃ ግንባታዎች እና 12 ሞዴል መጸዳጃ ቤቶችን ገንብቶ ማህበረሰቡን ተጠቃሚ አድርጓል፡፡ እንዲሁም 36,606 ነዋሪዎች ትራኮማ በሽታ ልየታ፣ 2,671 ተጠቃሚዎች የትራኮማ ቀዶ-ጥገና እና 10,212 ተጠቃሚዎች የትራኮማ በሽታ ህክምና ተሰጥቷል፡፡

 


Language Selection
ሶሻል ሚዲያ
FacebookTwitter
ምርጥ ተሞክሮ
የጎብኝዎች ብዛት
Today0
Week66
All71569

Currently are 21 guests online


ምርጫ
ስለ ድረ-ገፅ ያለዎት አስተያየት ?