Joomla TemplatesBest Web HostingBest Joomla Hosting

Home News Latest News የአንድን ሰከንድ ዋጋ ለማወቅ ከፈለግህ በመኪና አደጋ ከሞት ያመለጠውን ሰው ጠይቅ!

         የአንድን ሰከንድ ዋጋ ለማወቅ ከፈለግህ በመኪና አደጋ ከሞት ያመለጠውን ሰው ጠይቅ!

               Time managment

ጊዜ ለሁሉም እኩል የተሰጠ ኃብት ነው፡፡ ጊዜ አንዴ ካጣነው የማናገኘው ውድ ሃብትም ነው፡፡ ታዲያ ይህንን ውድ ሃብት በከንቱ ካባከንነው ቆይቶ ለፀፀትና ተስፋ መቁረጥ ይዳርገናል፡፡ "ያለክንፍ መብረር፤ ያለስራ መክበር የለም" እንዲሉ አበው ጊዜን በሚገባ መጠቀም ከቻልን ህይወታችንን ሙሉ፣ ደስተኛና ስኬታማ ያደርግልናል፡፡

የጊዜ አጠቃቀም ልምዳችንን ለማሻሻል ይረዳ ዘንድ አመልድ ከመጋቢት 5-6/2012 . (ላለፉት ሁለት ቀናት) ለስራ ኃላፊዎችና ባለሙያዎች ስልጠና እንዲወስዱ አድርጓል፡፡ የጊዜ አጠቃቀም ስልጠና የድርጅቱን ተልዕኮ ለማሳካት ሚናው የጎላ ከመሆኑም ባሻገር የግል ህይወታችንን ለመለወጥ እንደሚያስችል አሰልጣኞች አብራርተዋል፡፡

በአንድ ደቂቃ የሚከፈለንን ገንዘብ ለማወቅ፡-

የአንድ ደቂቃ ዋጋ = ወርሃዊ ጠቅላላ ደመዎዝ/ 4 ሳምንታት x 5 ቀናት x 8 ሰዓታት x 60 ደቂቃ ማስላት ይቻላል፡፡

ስለጊዜ ብዙ ነገር ይባላል፡፡ የጊዜን የጉዞ ዑደት ለአፍታ ማቆም ስለማይቻል መስራት የሚገባንን ተግባር ሁሉ በጊዜ ማከናወን እንዳለብን፡-

ካልተሳፈሩበት ቶሎ ተሽቀዳድሞ፤ ጊዜ ታክሲ አይደለም አይጠብቅም ቆሞ!” የሚለው ህዝባዊ ግጥም ይመክረናል፡፡ ጊዜ ከሁሉም ነገር በላይ የሚያስፈልገን ጉዳይ ነው፡፡ ይሁን እንጅ ምን ያህሎቻችን በአግባቡ እንደምንጠቀምበት ራሳችንን እንጠይቅ?

ስለጊዜ ምንነት ይበልጥ ለመረዳት ከፈለግህ

የአንድን ወር ዋጋ ማወቅ ከፈለግህ ያለጊዜው የወለደችን እናት ጠይቅ!
የአንድን ሰዓት ዋጋ ማወቅ ከፈለግህ ፍቅረኛውን ለመጀመሪያ ጊዜ ለማግኘት የሚጠብቀውን አፍቃሪ ጠይቅ!

የአንድን ደቂቃ ዋጋ ማወቅ ከፈለግህ አውቶቡስ ያመለጠውን ተሳፋሪ ጠይቅ!
የአንድን ሰከንድ ዋጋ ማወቅ ከፈለግህ በመኪና አደጋ ከሞት ያመለጠውን ሰው ጠይቅ!
የአንድን ማይክሮ ሰከንድ ዋጋ ማወቅ ከፈለግህ በኦሎምፒክ ውድድር የብር ሜዳሊያ አሸናፊ የሆነውን አትሌት ጠይቅ!

Time managment1



የድርጅቱ ዋና ዳይሬክተር / ዓለማየሁ ዋሴ በስልጠና ማጠቃለያው እንዳሳሰቡት በምናገለግልበት መስሪያ ቤትም ሆነ በግል ህይወታችን የምንሰራቸውን ስራዎች ለነገ ሳናሳድር በጊዜ ማከናወን ይገባል ብለዋል፡፡ ጊዜ ካለፈ በኋላ የምናደርገው መሯሯጥ የስራ ውጠየታችንን ጥራትና ምርታማነት ከመቀነሱም በላይ የግል ህይወታችንን ጣዕም አልባ እንደሚያደርግብን አስገንዝበዋል፡፡

በአጠቃላይ የጊዜ አጠቃቀም ስርዓታችንን በማስተካከል ስራችንን እና ህይወታችንን ፍሬያማ ማድረግ እንችላለን፡፡ ስርዓት ያለው የጊዜ አጠቃቀም ቀልጣፋና ፍሬያማ ከማድረጉም ባሻገር ምርታማነትን ይጨምራል፡፡

 
Language Selection
Social Media
FacebookTwitter
Visitor Counter
Today56
Week105
All55997

Currently are 17 guests online


Poll
What do you think about our site?