Joomla TemplatesBest Web HostingBest Joomla Hosting

ዋና ገፅ ዜና የቅርብ ዜናዎች በአመልድ አካታች የምግብ ዋስትናና ስነ ምግብ ፕሮጀክት የትውውቅ አውደ ጥናት ተካሄደ

  በአመልድ አካታች የምግብ ዋስትናና ስነምግብ ፕሮጀክት የትውውቅ አውደ ጥናት ተካሄደ

ባህር ዳር የካቲት 20/2010 ዓም

           ORDACBM

በአመልድ አካታች የምግብ ዋስትናና ስነ ምግብ ፕሮጀክት ቢኤምዜድ በተሰኘ የጀርመን የትብብር መንግስት 90 ሚሊዮን ብር የገንዘብ ድጋፍ በሲቢኤም አመቻችነት 3 ወረዳዎች (ምስራቅ በለሳ፣ ምዕራብ በለሳ እንዲሁም እብናት) 9 ሺህ አባውራና እማዎራዎችን ወይም 45 ሺህ ቤተሰቦችን ተጠቃሚ የሚያደርግ ፕሮጀክት ነው፡፡

በአብክመ የገንዘብና ኢኮኖሚ ትብብር ሃላፊ / ጥላሁን መሐሪ በመክፈቻ ንግግራቸው "አመልድ ሁነኛ የክልሉ ህዝብና መንግስት የልማት አጋር ነው፡፡" ብለዋል፡፡

/ ጥላሁን ሲገልጹ አመልድ በድህነት ይኖሩ የነበሩ ከግማሽ ሚሊዮን በላይ ቤተሰቦችን የምግብ ዋስትናቸው እንዲረጋገጥ ከማገዙ በላይ ሃብት እንዲያፈሩ ያስቻላቸው ሲሆን አካታች የምግብ ዋስትናና ስነ ምግብ ፕሮገግራም ድህነትን ለማጥፋት በሚደረገው ርብርብ ድርሻው የጎላ በመሆኑ የመንግስት አጋር አካላት ርብርብ ተጠናክሮ የሚቀጥል መሆኑን ተናግረዋል፡፡

           ORDACBMBMZ2

/ ማርኩስ ቦክ በኢትዮጵያ የጀርመን ፌድራል ሪፐብሊክ መንግስት ኢምባሲ የልማት ጉዳዮች እና የሰብዓዊ እርዳታ ሁለተኛ ሴክሬታሪ የኢትዮጵያን ዘላቂ ልማት ለማረጋገጥ የሚያግዙ ፕሮጀክቶችን የፋይናንስ ድጋፍ እንደሚያደርግ አውስተው ባለፉት ዓመታት የምግብ ዋስትናና ስነ ምግብ ፕሮጀክት የተገኙ ምርጥ ተሞክሮዎችን በአዲሱ ፕሮጀክት በመፈጸም አጠናክሮ ማስቀጠል ይገባል ብለዋል፡፡

/ ማርኮ አንዱልፍ በጀርመን የሲቢኤም ተወካይ በበኩላቸው አካታች የምግብ ዋስትናና ስነ ምግብ ፕሮጀክት ምርጥ ተሞክሮዎችን በመቀመር ለውጤታማነቱ የድርሻቸውን እንደሚሰሩ ተናግረዋል፡፡

/ አምላኩ አስረስ የአመልድ ዋና ዳይሬክተር አመልድ ላለፉት 33 ዓመታት 670 ሚሊዮን የሚጠጋ ችግኝ 117 ሺህ በላይ ሄክታር መሬት በመትከል ከክልሉ የደን ሽፋን 4.2 በመቶ ድርሻ ያለው መሆኑን ተናግረዋል፡፡ ዋና ዳይሬክተሩ ሲገልጹ ድርጅቱ 4¸ 964 የንጹህ መጠጥ ውሃ ተቋማትን በመገንባት 2.3 ሚሊዮን ህዝብ ተጠቃሚ ያደረገ ሲሆን 244 አነስተኛ የመስኖ ተቋማትን በመገንባት 22¸605 ሄክታር መሬት የሚያለሙ አርሶ አደሮች 2 እና 3 ጊዜ ለማምረት አስችሏቸዋል፡፡ ብለዋል፡፡ በተጨማሪ በግብርናና አደጋ ስጋት ስራ አመራር 660 ሺህ በላይ ቤተሰቦች የምግብ ክፍተታቸውንና የስርዓተ-ምግብ ፍላጎታቸውን ማሟላት መቻላቸውን ተናግረዋል፡፡

የዚህ ትውውቅ አውደ ጥናት ዋና አላማ ጥቅል እቅዱን ለሚመለከታቸው ባለድርሻ አካላትና የሴክተር እንዲሁም የክልል አብይ ኮሚቴ እውቅና እንዲኖራቸው ለማድረግ ነው ብለዋል፡፡
ባለፉት 3 ዓመታት በደቡብ ጎንደር ዞን 3 ወረዳዎች የምግብ ዋስትናና ስነ ምግብ ፕሮጀክት ተቀርፆ ተጠቃሚዎች በከፍተኛ ሁኔታ ኑሯቸውን እንዲለውጡ እንዲሁም የገንዘብ ቁጠባን እንዳስተማራቸው ለተሳታፊዎች አብራርተዋል፡፡

የአመልድ የምርምርና ሃብት ማፈላለግ ፕሮግራም ማኔጀር አቶ ጌጡ ኃይሉ አካታች የምግብ ዋስትናና ስነ ምግብ ፕሮጀክት 5 ዓመታት ዕቅድ 3 ወረዳዎች የሚፈጸም መሆኑንና በዕቅዱ ላይ ሰፋ ያለ ውይይት በማድረግ ፕሮጀክቱን ፍሬያማ ለማድረግ ሁሉም የድርሻውን እንደሚወጣ መግባባት ላይ ተደርሷል፡፡

በአውደ-ጥናቱ ከገንዘብና ኢኮኖሚ ትብብር፣ ከግብርና ቢሮ፣ ከእንስሳት ሃብት ልማት ማስፋፊያ፣ ከውሃ ሀብት ቢሮ ከሴቶችና ህጻናት፣ ከዞንና ወረዳ አስተዳደር፣ ከአመልድ የተውጣጡ ሃላፊዎችና ባለሙያዎች ተሳትፈዋል፡፡

Last Updated (Thursday, 07 February 2019 07:22)

 
ቋንቋ
ሶሻል ሚዲያ
FacebookTwitter
የጎብኝዎች ብዛት
Today19
Week177
All75112

Currently are 21 guests online


ምርጫ
ስለ ድረ-ገፅ ያለዎት አስተያየት ?