Joomla TemplatesBest Web HostingBest Joomla Hosting

ዋና ገፅ ዜና የቅርብ ዜናዎች ለአደጋ የማይበገር የኑሮ ማሻሻያ ፕሮጀክት የትውውቅ አውደ-ጥናት ተካሄደ

Hi Slider ID 1

       ለአደጋ የማይበገር የኑሮ ማሻሻያ ፕሮጀክት የትውውቅ አውደ-ጥናት ተካሄደ


           GRAD P

በአመልድ ለአደጋ የማይበገር የኑሮ ማሻሻያ ፕሮጀክት ፊድ ፊውቸር በተሰኘ ግብረ-ሰናይ ድርጅትና የአሜሪካ አለም ዓቀፍ የልማት ተራድኦ ድርጅት (ዩኤስኤአይዲ) 70 ሚሊዮን ብር የገንዘብ ድጋፍ በኬር ኢትዮጵያ አመቻችነት 7 ወረዳዎች 36 ሺህ ቤተሰቦችን ተጠቃሚ የሚያደርግ የሚፈጸም ፕሮጀክት ነው፡፡


በአብክመ የገንዘብና ኢኮኖሚ ትብብር ሃላፊ / ጥላሁን መሐሪ በመክፈቻ ንግግራቸው " አመልድ ሁነኛ የክልሉ ህዝብና መንግስት የልማት አጋር ነው፡፡" ብለዋል፡፡

/ ጥላሁን ሲገልጹ አመልድ በድህነት ይኖሩ የነበሩ ከግማሽ ሚሊዮን በላይ ቤተሰቦችን የምግብ ዋስትናቸው እንዲረጋገጥ ከማገዙ በላይ ሃብት እንዲያፈሩ ያስቻላቸው ሲሆን ለአደጋ የማይበገር የኑሮ ማሻሻያ ፕሮጀክትም ድህነትን ለማጥፋት በሚደረገው ርብርብ ድርሻው የጎላ በመሆኑ የመንግስት አጋር አካላት ርብርብ ተጠናክሮ የሚቀጥል መሆኑን ተናግረዋል፡፡

            GRAD22


የአሜሪካ አለም ዓቀፍ የልማት ተራድኦ ደርጅት ተወካይ አቶ ረታ አሰግድ ዩኤስኤአይዲ የኢትዮጵያን ዘላቂ ልማት ለማረጋገጥ የሚያግዙ ፕሮጀክቶችን የፋይናንስ ድጋፍ እንደሚያደርግ አውስተው ባለፉት 5 ዓመታት በዘላቂ ልማት ራስን የማስቻል ፕሮጀክት የተገኙ ምርጥ ተሞክሮዎችን በአዲሱ ፕሮጀክት ትልቁን የመንግስት ሴፍቲ ኔት ፕሮግራም የሚያግዝ በመሆኑ አጠናክሮ ማስቀጠል ይገባል ብለዋል፡፡

/ ጆን ሜየር የኬር ኢትዮጵያ ሃላፊ በበኩላቸው ለአደጋ የማይበገር የኑሮ ማሻሻያ ፕሮጀክት ካለፈው ፕሮጅክት የተገኙ ምርጥ ተሞክሮዎችን በመቀመር ለውጤታማነቱ የድርሻቸውን እንደሚሰሩ ተናግረዋል፡፡

/ አምላኩ አስረስ የአመልድ ዋና ዳይሬክተር አመልድ ላለፉት 33 ዓመታት 670 ሚሊዮን የሚጠጋ ችግኝ 117 ሺህ በላይ ሄክታር መሬት በመትከል ከክልሉ የደን ሽፋን 4.2 በመቶ ድርሻ ያለው መሆኑን ተናግረዋል፡፡ ዋና ዳይሬክተሩ "ድርጅቱ 4¸ 964 የንጹህ መጠጥ ውሃ ተቋማትን በመገንባት 2.3 ሚሊዮን ህዝብ ተጠቃሚ ያደረገ ሲሆን 244 አነስተኛ የመስኖ ተቋማትን በመገንባት 22¸605 ሄክታር መሬት የሚያለሙ አርሶ አደሮች 2 እና 3 ጊዜ ለማምረት አስችሏቸዋል፡፡" ብለዋል፡፡ በተጨማሪ በግብርናና አደጋ ስጋት ስራ አመራር 660 ሺህ በላይ ቤተሰቦች የምግብ ክፍተታቸውንና የስርዓተ-ምግብ ፋላጎታቸውን ማሟላት መቻላቸውን ተናግረዋል፡፡

ባለፉት 5 ዓመታት በዘላቂ ልማት ራስን የማስቻል ፕሮጀክት ተጠቃሚዎች ፕሮጀክቱ በከፍተኛ ሁኔታ ኑሯቸውን እንዲለውጡና ጥሪት እንደቋጠሩ እንዲሁም የገንዘብ ቁጠባን እንዳስተማራቸው ለተሳታፊዎች አብራርተዋል፡፡


የአመልድ የዕቅድ ክትትል፣ ግምገማና መማማር ፕሮግራም ዳይሬክተር አቶ ሽመልስ መሃመድ ለአደጋ የማይበገር የኑሮ ማሻሻያ ፕሮጀክት 5 ዓመታት ዕቅድ ያቀረቡ ሲሆን በዕቅዱ ላይ ሰፋ ያለ ውይይት በማድረግ ፕሮጀክቱን ፍሬያማ ለማድረግ ሁሉም የድርሻውን እንደሚወጣ መግባባት ላይ ተደርሷል፡፡

በአውደ-ጥናቱ ከገንዘብና ኢኮኖሚ ትብብር፣ ከግብርና ቢሮ፣ ከእንስሳት ሃብት ልማት ማስፋፊያ፣ ከሴቶችና ህጻናት፣ ከወጣቶችና ስፖርት ጉዳይ፣ ከዞንና ወረዳ አስተዳደር፣ ከአመልድ የተውጣቱ ሃላፊዎችና ባለሙያዎች ተሳትፈዋል፡፡

Last Updated (Friday, 20 April 2018 07:48)

 
ቋንቋ
ሶሻል ሚዲያ
FacebookTwitter
የጎብኝዎች ብዛት
Today6
Week448
All71983

Currently are 18 guests online


ምርጫ
ስለ ድረ-ገፅ ያለዎት አስተያየት ?